About Me

近年香港鍾意去旅行既人越嚟越多，每個人既原因都唔同，我既原因係我不甘平凡。
我想去看多一點，想知道多一點，想觀察其他人，想豐富自己既人生。人生不應該只有讀書做嘢，買車買樓買包包，飲飲食食吹兩嘴，結婚生仔愁養老。我改變唔到整個社會，所以選擇去闖盪世界。唔係為咗去嘆世界，嚐盡珍饈百味；而係為咗滿足自己既眼睛和知識。
我同老公係寒酸背包客，住要搵最平既，食剩係買減價既，屋企冇佈置，出街永遠T Shirt牛記加波鞋，家庭用品可以買二手既就買二手，能夠自己整既就自己整。其實我冇咩所謂，不過老公有咁既興趣，我就由得佢自由發揮。定居德國兩年，生活上既呢啲細節依然冇咩點變。